نصيحة احذر اللابتوب المدموج بكاميرا ... !!!

رفيف الروح الخميس يوليو 31, 2008 2:56 pm

نصيحة احذر اللابتوب المدموج بكاميرا ... !!!

‏تعرفون ان في الفتره هذه انتشرت اللابتوبات اللي فيها كاميرا ... واحد شاري هالابتوب مبسوط فيه ، لكن اللي اغلبكم ما يعرفه انه انتشر برضو برنامج ‏يشغل الكاميرا بالمسنجر او السكايبي وانت ما تدري ‏يعني راعي البرنامج يدخل عليك ويشوفك وانت تحسب كاميرتك طافيه ‏والادهي والامر انه حتى الشخص اللي انت ما سويت له قبول يقدر يشغل كاميرتك عن طريق الرسالة الفورية ‏هذه ميزة بمسنجر بلس واللي خلاني اكتب الموضوع هالسالفة : ‏يوم الاثنين اللي فات كنت رايح لواحد من اخوياي وهالولد انا افهم وش فيه من تعابير وجهة ‏وشفته مبين عليه الهم والغم والدنيا مو شايلته ‏سالته وش فيك ؟
وقالي سمعت عن البرنامج اللي يشغل كاميرا النت ‏قلت له ايه وش بلاه قال انا يوم السبت تارك ماسنجري مفتوح واللابتوب مشغل ‏ورحت اتروش ورجعت ابدل بغرفتي ‏يعني كان عريان ‏يقول شويه واسمع صوت المسن اللي يطلع لو احد كتب لك كلام ‏ولما دخلت الا واحد يقولي شخبارك ومن هالكلام ‏وما امداه اخذ دقيقتين الا يقولي بوريك شيء .. ‏مقطع فيديو ‏خويي تحمس وجا يبي يطالع الا المسكين شاف نفسه وهو يبدل ‏يقول خويي الحمد لله ما اغمي علي ولما اخذ وعطى ‏الولد قاله اذا ما تبي المقطع ينتشر ادفع لي 1000 ‏ريال شحن سوا ترسلها لي ‏طبعن خويي ما وافق لانه عارف ان الولد بيرجع له مرة وثنتين و3 الولد للاسف عمره 21 ‏وعاطل ومو هامه احد حتى لما خويي قاله اتق الله فيني قاله مو شغلي ولا تفتحلي مواضيع دين ‏المهم ان الولد مهدد انه ينتشر المقطع ‏وخويي لما امس وهو مصدوم وحالته حاله وخايف ‏والسبب كله كاميرا اللابتوت اللي حنا فرحانين فيها عشان كذا نصيحة مني لكم شوفو لها حل ‏غطوها بورقه تنفع الاوراق الغامقة او كسروها وجيبو وحده خارجية ...

منقول عشانكم

عنيـ و رآسي لين ـدة الثلاثاء أغسطس 05, 2008 9:39 pm

ياعلي ويش هالزمن؟!

الله يلعنهم هالخبيثين

ماعندهم شغلة غير يأذوا خلق الله

وهم بعد اللي عندهم ماسنجرات لا يضيفوا ناس مايعرفوهم ولا يثقوا فيهم
عشان لايصير لهم كده

يسلمــــــوو

رفيف الروح على التحذير

تحياتي

رفيف الروح الخميس أغسطس 07, 2008 2:52 pm

عنيده
الله يسلمك على المرور
لكن هذا الشخص المجرم ما يحتاج اضافة يقدر يسوي الحركه دي بدون اضافة
عشان كذا هذا التحذير مهم

نصيحة احذر اللابتوب المدموج بكاميرا ... !!!

نصيحة احذر اللابتوب المدموج بكاميرا ... !!!

رد: نصيحة احذر اللابتوب المدموج بكاميرا ... !!!

رد: نصيحة احذر اللابتوب المدموج بكاميرا ... !!!