أختي ممنوع بس زوجتي مسموح!!

..السلام عليكم..

موضوعي يمس حالات كثيرة في مجتمعنا ..

وانا في محيطي شفت اكثر من حالة من هالنوع ..

دايما الاحظ معظم الشباب يدققون في مسألة ملابس وعبايات واسلوب وتصرفات اخواتهم ..

يعني يحاسبونهم على كل شي .. وهذا شي جميل إنه يغار عليها ..

بس الغريب انهم يتركون الحبل على القارب لزوجاتهم ..

بمعنى ..ان كل ماكان غير مسموح للأخت قد اصبح مسموح ومصرح به للزوجة ..

مثال : احداهن لايسمح لها اخوها بارتداء عباية الكتف .. ولا النقاب .. ولا ولا ولا ..
مع إن أبوها على قيد الحياة وسامح لها تلبسهم بس الأخ حاب يدخل

بينما زوجته ترتدي العباية الكتف المطرزة من فوق لتحت وكلها ألوان

و ماتتغطى وإذا جات سوت روحها تتغطى تلثمت مو نقاب بعد

وفي كل مكان مع العلم ان زوجته سعوودية يعني مو اجنبية ..

وغيره وغيره ..مثل مايقول المثل (غطينا رجول ابونا بانت صلعته )

انا مو ضد ان الأخ يغار على اخته بالعكس انا أحيي هالغيرة ..

يعني اللي يغار على اخته يفترض انه يعامل زوجته بالمثل ..

ولا هالشيء نعتبره نتيجة لضعف شخصية الرجل امام زوجته ؟!

يـــــــــــــلا ياأعضاء

أبغي أشوف أرآئكم في هالظاهرة وإذا عندكم قصص
أو إضافات بعد زين

ودي لكم
عنيـ ورآسي لين ـدة