لا تغفل عن رقم 940

عنيـ و رآسي لين ـدة الإثنين يوليو 21, 2008 2:14 pm

بسم الله الرحمن الرحيم
اللهم صل على محمد و آل محمد

منقول و الله العالم هو..
صج و إلا دعاية لوزارة الصحة..

لا تغفل عن الرقم

940

مساله صارت أمس وقفت عند احد مطاعم الفلافل وأنا كنت انتظر الطلب

وقف راعي سيارة ونزل وطلب

الشاب سأل العامل السوري ليه لابس قفاز واحد جاوب السوري هذا اشتغل فيها وهذا أحاسب والعامل السوري وهو يتكلم

كان ماخذ الخبز بيده اللي بدون قفاز وحطه على الطاولة وقال الشاب وهو يضحك طيب ليه تمسك الخبز باليد اللي ما فيها قفاز السوري أنحرج وصار يبرر تبريرات مالها معنى وقال الشاب المفروض اللي يشتغل ما يحاسب يكون واحد ثاني

وأنا في ذيك اللحظة قلت فيه ذباب وخره عن الصواني وقال الشاب شف هذا زبون يقول عندك ذباب في المحل والعامل السوري شوي بيقوله مالك دخل تبي تأكل ولا اطلع برى والشاب طايح فيه

أسئلة المهم من ضمن الأسئلة اللي كان يسألها وهو يضحك سؤال حسيت السوري من جد بينفجر والسؤال هو ليه منت مغطي شعرك وراح الشاب من ورى الكاونتر يعني دخل عنده وارتسمت على وجه العامل علامةاستفهام وتعجب كبيره

وقال معك مفتش الصحة وتعال شوف وجه العامل من زود ماهو احمر من النار

يوم سمع كلمة مفتش الصحة صار وجهه

تقول طماطة وشهب وجهه في نفس الوقت المهم أن الرجال دخل المطبخ حقهم وصار يعطي الملاحظات وطلع واحد من العمال

مجروحة يده وقال لا أشوفك هنا إلا لما تعالج جرحك وسئل العامل الأول أبو وجه احمر مشهب عطني شهادتك الصحية قال ما معي قال اطلع برا أنت وياه

المهم شب فيهم لكن بأسلوب جداً مهذب وفيه نصح وقال أنا ما جيت هنا عشان استقعد كله عشان مصلحتكم ومصلحة الزبائن لو الواحد جاه تسمم أو أي مرض انتقل عن طريق العدوى راح يدعي عليكم

ويوم طلع الرجال قعدت اسولف وياه عن بعض المطاعم اللي تحتاج مراقبة فقال لا تتردد أي مطعم تشوف علية ملاحظة اتصل على 940 وعطهم اسم المطعم والشارع واترك الباقي عليهم وكان معه ورقة قال

شف هذي الورقة هذا اسم المطعم وتاريخ التبليغ والملاحظات اللي عليه وها أنا جيته وشفت وش صار بعينك

يا جماعة عليكم بكل مطعم أو بوفية أو مخبز أو غيره تجدون عليه ملاحظة تبلغون

أنا أول ما كنت مصدق فيه مفتشين أقول كلام فاضي ما فيه رقابة ولكن شفت بعيني ومن اليوم راح ابلغ عن أي مطعم عليه مخالفات

..تحيات..
..عنيـ و رآسي لين ـدة..[/size]

فراشة الشوق الجمعة أغسطس 22, 2008 5:00 am

مشكوره أختي الله يعطيك ألف عافية

تحياتي:............

رفيف الروح الإثنين أغسطس 25, 2008 6:41 pm

انشاء الله اذا أحد شاف ملاحظات على اي مطعم يبلغ
مع اني ما أتوقع أحد يدق خبر >>هم يشوفوا البلاوي الزرقا داخل المطعم ويسكتوا ما يقولوا شي ويمكن يشتروا بعد عادي
لكني سمعت عن مطاعم أغلقت بسبب تفتيش وزارة الصحة واكتشافها لبلاويهم لكن مو هنا بالقطيف سمعت عن مطاعم بالرياض
المهم
عنيده
يسلمووووو

لا تغفل عن رقم 940

لا تغفل عن رقم 940

رد: لا تغفل عن رقم 940

رد: لا تغفل عن رقم 940